Bagong BicolBase sa audit report kan Commission on Audit, lampas 1.4 bilyon na an suspended, dissallowed, asin charged sa pondo kan probinsya. Pigdi-diklera kan COA an pondo na suspended o disallowed, kun ini pigtutubudang kinorapto, illegal, asin sobra-sobra.
Bukod digdi, maabot sana sa 11 milyon sa 1.4 bilyon na pigkikwestiyon an nalinaw na gastos kan probinsya. Hanggang ngunyan, dae pa aram kan COA asin kan mga tao kung nasain na an ginastos kan kapitolyong bilyones kan nakaaging taon. Mayo pang simbag an kapitolyo sa isyung ini.
Ini an nagiging problema kun sarong pamilya sana an nagha-hade sa satuyang probinsya—an kaban kan satuyang banwaan, binubulsa sana. Mayo na kitang maasahan sa mga Villafuerte na nasa kapitolyo; habang nagpapayaman an saindang pamilya, nagsasakit an mga Bikolanong nagtiwala sainda. Kun 1.4 bilyon na an nawara sa laog pa lang kan sarong taon, pirang bilyones na daw an nawawara sa laog kan duwang dekada na sinda naghade-hadean sa kapitolyo?
